Momos – ek aise tasty street food jo sabko pasand aata hai! Aaj hum banayenge ghar par hi restaurant jaise soft aur spicy veg momos – dono tarah: steamed aur fried. Chalo shuru karte hain!

Ingredients (Samagri)

For Dough:

Maida – 2 cup

Namak – 1/2 tsp

Thoda sa tel

Paani (as needed)


For Filling:

Patta gobhi (finely chopped) – 1 cup

Gajar (grated) – 1/2 cup

Shimla mirch – 1/2 cup

Adrak-Lahsun ka paste – 1 tsp

Namak – swad anusar

Kali mirch – 1/2 tsp

Soya sauce – 1 tsp

Vinegar – 1 tsp

Oil – 1 tbsp



—

Step-by-Step Recipe:

Step 1: Dough Banayein

Ek bowl mein maida, namak aur thoda sa tel milayein. Paani daal kar tight dough gundh lein. 20 min ke liye dhak kar rakh dein.

Step 2: Filling Taiyaar Karein

Pan mein thoda oil daalein, adrak-lahsun paste bhunein. Phir sab sabziya daal kar 4-5 minute bhunein. Ab isme soya sauce, vinegar, namak aur mirch daalein. Thoda thanda hone dein.

Step 3: Momos Shape Dein

Dough ke chhote chhote balls banayein. Patle gol shape mein bel lein. Beech mein filling daalein aur apne pasand ke hisaab se fold kar lein.


—

Steamed Momos

1. Steamer ko ghee ya oil se grease karein.


2. Momos ko steamer mein 10-12 min tak steam karein.


3. Bas ho gaye soft and juicy steamed momos ready!




—

Fried Momos

1. Ek kadai mein tel garam karein.


2. Momos ko golden brown hone tak deep fry karein.


3. Bahar se crispy aur andar se juicy – fried momos ready!




—

Serve With:

Spicy red chutney

Mayonnaise ya schezwan sauce



—

Tips:

Filling mein paneer bhi daal sakte ho for extra taste.

Healthy version ke liye sirf steam momos try karo.

Dough zyada tight ya loose na ho.



—

Toh aaj hi ghar par banao yeh tasty Veg Momos – steamed ya fried, apni pasand se!
Aur aise aur bhi recipes ke liye visit karo: vs.kinks.in